أبو الهنا .. يا خيرو !

سبتمبر فترة إجازة العيد / 4 أيام .

دايماً يتكرر هالوضع .
كثير سلوكيات مصدَرها القلق قدرت أغيرها هالسنة إلا هالسلوك . تدري ؟ اصلا من اولى ابتدائي و انا اتذكرني مستحيل أختِّم الجزء المقرر في الامتحان لما اذاكر . اوقف قبل نهاية الشابتر بصفحتين و اعتبر نفسي خلصت . مهما حاولت أكمل الصفحتين نو وي .. لا يمكن . كإن فيهم عقربة بتقرصني !
أنا متأكدة ان فيه اسئلة اليوم حتجينا من آخر صفحتين . اعرف الكونتينز تبعهم بس ناسية كثير انفورميشنز و بدل ما اتنكد على فشلي في إكمال الصفحتين جالسة من الفجر اسمع محمد منير و اضحك ! اسمع محمد منير و اكمل قراءة كتاب الإبستمولوجيا ! اسمح محمد منير و اتجاوب مع استفزاز أحدهم لي كإنه كبسولة كبتاجون محتاجة ضررها فهالوقت يمكن يفور دمي و ارجع احط حري في باقي الصفحتين .

تصدق عاد ,
مرة من القلق نفس الشي كان امتحان بس فاينل و برضه ذاكرت كل الليسنز عدا آخر صفحتين من آخر شابتر قمت عشان أثبت لنفسي انه طز ما وقفت الدنيا على هالصفحتين رحت للكوليج و اخذت معايه رسائل الجاحظ جلست اقرأ فيها قبل الامتحان بعشرة دقايق ! هه

راح انضرب على عيني و اجاوب و اعدِّي زي كل مرة . بس مو عاجبني وضع الصفحتين المهملة في كل موادي . يليت التجاهل ينفع مع الورق زي ما جاب مفعول مع بعض الناس . بس مسكين الورق . يلقاها مني ولاَّ من 150 ستيودينتز غيري ولاَّ من الدكاترة ولا من المرضى النفسيين اللي يرسموا على صفحة الدرس مشنقة و رقبة برأس أصلع متدلية منها .

يا معين .